Local

ඇමැතිට දෙයියන්ගේ හාල් කැවිලා

හාල් මිල ඉහළ යාමට ප‍්‍රධානම හේතුව ග‍්‍රාමීය ආර්ථික කටයුතු පිළිබඳ අමාත්‍ය පී.හැරිසන් රජය සතු වී තොග නිසි ලෙස නිකුත් නොකිරීම නිසා යැයි අරලිය සහල් සමාගමේ ප්‍රධානී ඩඩ්ලි සිරිසේන මහතා කොළඹ ජයික් හිල්ටන් හෝටලයේ අද (27) පැවැති සාකච්ඡාවකදී පැවසීය.

වී අලෙවි මණ්ඩලය සතු වී තොග වෙළඳපලට නිකුත් කිරීමට ජනාධිපති හා අගමැති තීරණය කර තිබියදීත් ඇමතිවරයා නිසි ටෙන්ඩර් පටිපාටිය අනුව එය නොකළ බවත් ඔහු චෝදනා කරයි.

වී මොල් හිමියන් සතුව ලබන අප්‍රේල් මාසය දක්වා ප‍්‍රමාණවත් තරම් සම්බා සහ කීරි සම්බා තොග ඇතත් නාඩු වී නැති බව කී ඩඩ්ලි සිරිසේන මහතා නාඩු වී වැඩි ප‍්‍රමාණයක් ඇත්තේ රජය සතුව බව ද ප‍්‍රකාශ කළේය.

ඒ නිසා සහල් මිල ඉහළයාම සම්බන්ධයෙන් තමන් ඇතුළු මහා පරිමාණ සහල් ව්‍යාපාරිකයින් කිහිප දෙනෙකුට චෝදනා එල්ල කිරීම අසාධාරණ බව ද හෙතෙම කියා සිටියේය.

වී අලෙවි මණ්ඩලයෙන් රුපියල් 43.65ට වී කිලෝව ගෙන රුපියල් 50 බැගින් මෝල් හිමියන්ට අලෙවි කරන බව කී සිරිසේන මහතා එවිට වී කිලෝවක් නිෂ්පාදනයට සෙසු වියදම් හැර වී ස`දහා පමණක් රුපියල් 80ක් වැයවන බව ද කීවේය.

රජය සතු වී තොග සහල් කිරීම සඳහා මෝල් හිමියන්ට නිසි ක‍්‍රමවේදයක් යටතේ නිකුත් කළේ නම් මෙවැනි ගැටලූ ඇති නොවන බව ද හෙතෙම පැවසීය.

Click to comment

Leave a Reply

Your email address will not be published. Required fields are marked *

Send us your Story


ඔබ සතුව පලකල හැකි පුවත් සහ වීඩියෝ ඇත්නම් ෆයිල් අක්කා ෆේස්බුක් පිටුවට එවන්න.

Copyright © 2016 TopLK.com

To Top