Local

උදයංග වීරතුංග ඩුබායි ගුවන්තොටුපලේදී අත්අඩංගුවට..!

රුසියාවේ හිටපු ශ්‍රී ලංකා තානාපති උදයංග වීරතුංග මහතා ඩුබායි ගුවන්තොටුපලේ දී අත්අඩංගුවට ගෙන තිබේ.

ජාත්‍යන්තර පොලීසිය විසින් ඒ මහතා අත්අඩංගුවට ගෙන තිබේ.

එමෙන්ම ඒ මහතාව ශ්‍රී ලංකාවට රැගෙන ඒම සඳහා විශේෂ පොලිස් කණ්ඩායමක්ද ඩුබායි බලා පිටත්ව ගොස් ඇති බව සඳහන්ය.

මේ අතර අද(04) පෙරවරුවේ උදයංග වීරතුංග මහතා ඩුබායි ගුවන්තොටුපලේ දී ප්‍රශ්න කිරීමකට ලක්ව තිබුණි.

ඒ මහතාගේ පවුලේ සාමාජිකයින් සඳහන් කළේ උදයංග වීරතුංග මහතා අමෙරිකාව බලා පිටත්ව යාමට ඩුබායි ගුවන්තොටුපලට පැමිණි අවස්ථාවේ මෙලෙස ප්‍රශ්න කිරීමට ලක්ව ඇති බවයි.

මිග් යානා ගනුදෙනුවට අදාළව රුසියාවේ හිටපු තානාපති උදයංග වීරතුංග මහතාට චෝදනා එල්ල වී තිබේ.

ඔහු අත්අඩංගුවට ගැනීම සඳහා ජාත්‍යන්තර පොලීසිය හරහා කටයුතු කරමින් සිටින බවට අපරාධ පරීක්ෂණ දෙපාර්තමේන්තුව මීට පෙර කොටුව මහේස්ත්‍රාත් අධිකරණයට කරුණු වාර්තා කර තිබිණි.

පැවති ආණ්ඩු සමයේ සිදු වූ බව පැවසෙන මිග් යානා ගනුදෙනුවේ සැකකරු ලෙස නම් කර සිටින රුසියාවේ හිටපු තානාපති උදයංග වීරතුංග ඉරිදා (පෙබරවාරි 04) උදෑසන ඩුබායි ගුවන්තොටුපලේදී අත්අඩංගුවට පත්ව ඇති බව ශ්‍රී ලංකා පොලිසිය පවසයි.

අධිකරණය මඟහැර සිටින ඔහු අත්අඩංගුවට ගන්නා ලෙස දන්වා කොළඹ කොටුව මහේස්ත්‍රාත් අධිකරණය ජාත්‍යන්තර පොලිසිය වෙත මීට වසරකට පමණ පෙර වරෙන්තු නිකුත් කර තිබුණි.

මේ අතර උදයංග වීරතුංගට අයත් දේපළ කිහිපයක් විකිණීම, උකස් කිරීම සහ පැවරීම තහනම් කරමින් කොළඹ කොටුව මහේස්ත්‍රාත් අධිකරණය පසුගියදා තහනම් නියෝගයක් නිකුත් කළේය.

රාජපක්ෂ පාලන සමයේදී ශ්‍රී ලංකා ගුවන් හමුදාව සඳහා මිග් යානා මිලදී ගැනීමේදී සිදුව ඇතැයි පැවසෙන අක්‍රමිකතා සම්බන්ධයෙන් එල්ල වන චෝදනා උදයංග වීරතුංග ප්‍රතික්ෂේප කරයි.

FCID පරීක්ෂණ ප්‍රමාද ඇයි?
හිටපු ජනාධිපති මහින්ද රාජපක්ෂ විදේශ සංචාරවල නියැලුණු ඇතැම් අවස්ථාවලදී වරෙන්තු පිට සිටි උදයංග වීරතුංග ද හිටපු ජනධිවරයා සමග සිටින ආකාරය දැක්වෙන ඡායාරූප මීට පෙර මාධ්‍ය ඔස්සේ පළ වී තිබිණි.

උදයංග වීරතුංග හිටපු ජනාධිපතිවරයාගේ පවුලේ ඥාතියෙකි.

උදයංග වීරතුංග ශ්‍රී ලංකාවට රැගෙන ඒමට පොලිස් මුල්‍ය අපරාධ කොට්ටාශයේ නිලධාරීන් ඩුබායි වෙත යාමට නියමත බව පොලිසිය පවසයි.

Click to comment

Leave a Reply

Your email address will not be published. Required fields are marked *

The Latest

To Top