Political

ජනපති හදිසියේම මොරගහකන්ද ව්‍යාපෘති පරිශ්‍රයේ නිරික්ෂණ චාරිකාවක (Photos)

ජනාධිපති ගරු මෛත්‍රීපාල සිරිසේන මැතිතුමා ඊයේ (22) පස්වරුවේ හදිසියේම මොරගහකන්ද ව්‍යාපෘති පරිශ්‍රයේ නිරික්ෂණ චාරකාවක නිරත විය.

ජාතික විදුලිබල පද්ධතියට මෙගාවොට් 25ක විදුලිබල ධාරිතාවක් එක්කරන මොරගහකන්ද ජල විදුලිබලාගාරයේ පරීක්ෂණ කටයුතු මේ දිනවල සාර්ථකව සිදු කෙරෙමින් පවතින අතර, එම කටයුතු පිළිබදව ජනාධිපතිතුමා මෙහිදී සොයා බැලීය.

මෙරට කෙටිම කාලයකින් ඉදිකෙරුණු විදුලි බලාගාරය වන මොරගහකන්ද ජල විදුලි බලාගාරය අධි පීඩනය මත ක්‍රියාත්මක වන ටර්බයින් හතරකින් විදුලි බලය නිෂ්පාදන කරනු ලබයි.

මොරගහකන්ද ජලාශයේ සම්පූර්ණ ජල ධාරිතාව අක්කර අඩි 450,000 කි. එම ජල ධාරිතාවෙයන් සියට 93 ක් එනම් අක්කර අඩි 410,000ක් මේ වන විට සම්පූර්ණ වී තිඛෙන අතර විදුලි උත්පාදනය සදහා අවශ්‍ය ජල ධාරිතාව සම්පූර්ණවීමත් සමග එහි විදුලි උත්පාදන කටයුතු ආරම්භ කෙරණු ඇත.

දශක හතරකට ආසන්න කාලයක් පුරා සැලසුම්වලට හා දේශපාලන නොසලකාහැරීම්වලට ලක් වෙමින් පැවති මොරගහකන්ද කථගග ජලාශ ව්‍යාපෘතියේ සංවර්ධන කටයුතු රජයේ ප්‍රමුඛ කාර්යයක් වශයෙන් සලකා කඩිනම් කිරීමට අවස්ථාව ලැබුණේ ජනාධිපති මෛත්‍රීපාල සිරිසේන මැතිතුමා මෙරට කෘෂිකර්මාන්තයේ නව පුනර්ජීවනයක් ඇති කිරීම වෙනුවෙන් ගෙන යන වැඩපිළිවෙළේ ප්‍රමුඛ පියවරක් වශයෙනි.

අද පස්වරුවේ ව්‍යාපෘති පරිශ්‍රය වෙත ගිය ජනාධිපතිතුමා ඉංජිනේරුවන් ඇතුළු ව්‍යාපෘති නිලධාරින් සමග සුහද කථා බහක නිරත විය.

මොරගහකන්ද කළු ගඟ සංවර්ධන ව්‍යාපෘතියේ වැඩබලන අධ්‍යක්ෂ ටී.බී. විෙජ්රත්න මහතා ද මෙම අවස්ථාවට එක්ව සිටියේය.

Click to comment

Leave a Reply

Your email address will not be published. Required fields are marked *

The Latest

To Top