Political

මන්ත්‍රී වීරකුමාර රහස් හෙළිකරයි (Video)

ශ්‍රී ලංකා නිදහස් පක්ෂයෙන් සහ එක්සත් ජනතා සන්ධානයෙන් වෙන් වුණු කණ්ඩායම් එකතු කර බුලත් කොළය යටතේ සටන් වැදීමට මුලදී රහසින්ද පසුව එළිපිටද වැඩකළ බව එක්සත් ජනතා නිදහස් සන්ධානයේ පාර්ලිමේන්තු මන්ත්‍රී වීරකුමාර දිසානායක මහතා (10) පැවැසීය.

අනුරාධපුර සල්ගාදු ක්‍රීඩාංගනයේ පැවැති පළාත් පාලන මැතිවරණයට තරග වදින ශ්‍රී ලංකා නිදහස් පක්ෂය ප‍්‍රමුඛ එක්සත් ජනතා නිදහස් සන්ධානයේ මංගල රැලිය අමතමින් දිසානායක මහතා එසේ කීවේය.
ජාතික නිදහස් පෙරමුණෙන් ඉවත් වී එක්සත් ජනතා නිදහස් සන්ධානයට එක්වීමෙන් පසු ජනතාව ඇමතු පාර්ලිමේන්තු මන්ත්‍රී වීරකුමාර දිසානායක මහතා මෙසේ ද කීය.

‘‘ එක්සත් ජාතික පක්ෂයේ දේශපාලන ගමන සම්පූර්ණයෙන්ම ආපසු හරවා කුජිත කරවා අත ලකුණ ජයග‍්‍රහණය කිරීමේ අපේ අරමුණයි. ශ්‍රී ලංකා නිදහස් පක්ෂයෙන් සහ එක්සත් ජනතා සන්ධානයෙන් වෙන් වුණු කණ්ඩායම් එකතු කරන්න අපි රහසිගතව කටයුතු කළා. ඉන් පස්සේ එළිපිට වැඩ කළා. එහෙත් ඇතැම් අය ඊට අකුල් හෙළුවා.“

ජනාධිපති මෛත්‍රීපාල සිරිසේන මහතාට සිදුව ඇත්තේ කැප්පෙටිපොළගේ භූමිකාව කරන්නයි විමල් වීරවංශ මහතා එදා කිව්වා. එහෙත් ආපසු හැරී කැප්පෙටිපොළගේ භූමිකාව රඟ දක්වන්න විමල් වීරවංශ මහතා අසමත් වුණා. ඒ නිසා ආපසු ඒ කාර්යය කරන්න මට සිදුවුණා.

මම ආපසු හැරෙමින් ශ්‍රී ලංකා නිදහස් පක්ෂය ප‍්‍රමුඛ එක්සත් ජනතා නිදහස් සන්ධානය සමඟ එක්වුණා යැයි පැවසීය.

Click to comment

Leave a Reply

Your email address will not be published. Required fields are marked *

The Latest

To Top