Political

ශ්‍රී ලංකාව පිළිබද සර්ව පාක්ෂික බ්‍රිතාන්‍ය පාර්ලිමේන්තු කණ්ඩායම ජනපති හමුවෙයි.

ශ්‍රී ලංකාව පිළිබද සර්ව පාක්ෂික බ්‍රිතාන්‍ය පාර්ලිමේන්තු කණ්ඩායම ඊයේ (04) පස්වරුවේ ජනාධිපති කාර්යාලයේ දී ජනාධිපති ගරු මෛත්‍රීපාල සිරිසේන මැතිතුමා හමුවිය.

එරට කොන්සර්වේටිව් පක්ෂය නියෝජනය කරන ශ්‍රී ලාංකික සම්භවයක් ඇති මන්ත්‍රී රනිල් ජයවර්ධන මහතා එහි සභාපතිවරයා ලෙස කටයුතු කරන අතර, ඒ මහතා ඇතුළු පාර්ලිමේන්තු කණ්ඩායමේ සෙසු සාමාජිකයින් මෙම හමුවට එක්ව සිටියහ.

බ්‍රිතාන්‍යය, යුරෝපා සංගමයෙන් වෙන්වීමෙන් පසුව පොදු රාජ්‍ය මණ්ඩලීය රටවල් සමග පවත්වන සබදතා වඩාත් ශක්තිමත් කර ගැනීමට කටයුතු කරමින් සිටි. පොදු රාජ්‍ය මණ්ඩලයීය රටක් ලෙස ශ්‍රී ලංකාව සමග පවත්නා සබදතා ශක්තිමත් කර ගැනීම සහ දෙරට අතර වෙළෙද හා ආයෝජන සම්බන්ධතා ප්‍රවර්ධනය කර ගැනීමේ අරමුණින් මෙම නියෝජිත පිරිස ශ්‍රී ලංකාවට පැමිණ තිබේ.

ප්‍රජාතන්ත්‍රවාදය ශක්තිමත් කිරීම, ආර්ථීක සංවර්ධනය, විශේෂ සංවර්ධන ව්‍යාපෘති , විදේශ වෙළෙ`දාම ආදී ක්ෂේත්‍රවල ශ්‍රි ලංකාව පසුගිය කාලය පුරා ගෙනගිය වැඩසටහන්වල විශාල ප්‍රගතියක් දක්නට තිඛෙන බව එම නියෝජිත පිරිස මෙහිදී ජනාධිපතිතුමා වෙත දන්වා සිටියහ.

නව තාක්ෂණය, රැකියා ප්‍රවර්ධනය සහ අධ්‍යාපන අවස්ථාවන් වඩාත් ඵලදායී කර ගැනීමට දෙරට අතර පවතින සබදතා ශක්තිමත් කර ගැනීමේ වැදගත්කම ජනාධිපතිතුමා නියෝජිත පිරිස වෙත පෙන්වා දුන්නේය.

පොදු රාජ්‍ය මණ්ඩලයීය රාජ්‍ය නායක සමුළුව මෙම වසරේ අප්‍රේල් මාසයේ දී බ්‍රිතාන්‍යයේදී පැවැත්වෙන අතර ඒ හා සමගමීව දෙරට අතර සබදතා තවදුරටත් තහවුරු කර ගැනීමට අපේක්ෂා කරන බව ද නියෝජිතයෝ වැඩිදුරටත් සදහන් කළහ.

ජනාධිපති ලේකම් ඔස්ටින් ප්‍රනාන්දු මහතා සහ එම පාර්ලිමේන්තු කණ්ඩායම නියෝජනය කරමින් මන්ත්‍රීවරුන් වන Michelle Donelan, Chris Green, John Lamont යන මහත්ම මහත්මීන් මෙම අවස්ථාවට එක්ව සිටියහ.

Click to comment

Leave a Reply

Your email address will not be published. Required fields are marked *

The Latest

To Top