Local

හම්බන්තොට සිට මොණරාගල දක්වා කර්මාන්ත ශාලා රැසක්..!

හම්බන්තොට සිට මොණරාගල දක්වා කර්මාන්ත ශාලා 500ක් විවෘත කරන්න කටයුතු සැලසුම් කර තිබෙන බවත් ජනාධිපතිතුමා හා අගමැතිතුමා ජාත්‍යන්තරයෙන් මෙම ආයෝජන අවස්ථා ලබාගත් බවත් උසස් අධ්‍යාපන හා මහාමාර්ග අමාත්‍ය ලක්ෂ්මන් කිරිඇල්ල මහතා පවසයි.ඔහු මේ බව පැවසූයේ මහනුවර අඹතැන්න පූජාපිටිය මාර්ගයේ 1 කණුව සිට බුළුගහතැන්න දක්වා දිවෙන මාර්ගය කාපට් අතුරා සංවර්ධනය කිරීමේ වැඩ ආරම්භ කරමිනි.එහිදී අමාත්‍යවරයා මෙසේද පැවසීය.

“චීන රජය අපිට ඇමරිකානු ඩොලර් බිලියන 1.5ක් දෙන්න පොරොන්දු වෙලා තියෙනවා. චීනේ අය ඇවිල්ලා කර්මාන්ත ශාලා විවෘත කරලා, ඉන්දියාවට භාන්ඩ අපනයනය කරන්න සූදානම් වෙනවා. අපි ඉන්දියාවත් එක්ක ගිවිසුමක් අත්සන් කරනවා අපේ රටේ නිෂ්පාදනය කරන භාන්ඩ ඉන්දියාවට යවන්න. මේකේ ලොකු සැලැස්මක් තියෙනවා. අපේ දරුවන්ට රැකියා ලක්ෂ ගණනක් ලබාදෙන්න පුළුවන් වැඩසටහනක් අපේ අගමැතිතුමායි ජනාධිපතිතුමායි ආරම්භ කරලා තියෙනවා. මේ ආයෝජන එන එක නවත්තන්න. රටේ ආර්ථිකය විනාශ කරන්න, අපි ඉඩ දෙන්නේ නැහැ. අවශ්‍ය වෙලාවට අවශ්‍ය පියවර ගන්නවා.

අද අන්තවාදය හිස ඔසවන්න හදනවා. අපි පාසල් යන කාලේ අපේ පන්තිවල සිංහල, ද්‍රවිඩ, මුස්ලිම් හැම ජාතියක්ම හිටියා. සුද්දන්ගේ ළමයිනුත් හිටියා. මේ ජාතික සමගිය පටන් ගන්න ඕනේ පාසලෙන්. පාසලට ඇතුලත් කරනකොට සිංහල ළමයි වෙනම, ද්‍රවිඩ ළමයි වෙනම වර්ග කිරීම නිසා තමයි මේ අපේ රටේ මේ ප‍්‍රශ්ණ ඇති වුනේ. අපි ඉගෙනගන්න කාලේ එහෙම තිබුණෙ නැහැ. ඒ කාලේ ජාත්‍යන්තර පාසල් තිබුනේ නැහැ. තානාපතිවරුන්ගේ ළමයිනුත් ආවේ අපේ පාසල්වලට. සිංහල, ද්‍රවිඩ, මුස්ලිම් හැම ජාතියක්ම හැම කුලයක්ම එක පන්තියේ හිටියේ. ජාතික සමගිය ඇති කරන්න පටන් ගන්න ඕනේ පාසලෙන්. අද කරන්නේ පාසලේ ඉඳලම ළමයි වෙන් කරනවා. කොහොමද අපි ජාතික සමඟිය ගැන කතා කරන්නේ. අනාගතයේ අපේ රජය මේ පිළබඳ විශේෂ පියවරක් ගන්නවා” යැයිද අමාත්‍යවරයා සදහන් කළේය.

උපුටා ගැනීම : www.asianmirror.lk

Click to comment

Leave a Reply

Your email address will not be published. Required fields are marked *

Send us your Story


ඔබ සතුව පලකල හැකි පුවත් සහ වීඩියෝ ඇත්නම් ෆයිල් අක්කා ෆේස්බුක් පිටුවට එවන්න.

Copyright © 2016 TopLK.com

To Top