Local

Breaking : නිවෙස් තුලට වී සිටින්න.කාලගුණයෙන් රටටම රතු නිවේදනයක්

කාලගුණ විද්‍යා දෙපාර්තමේන්තුව මුළු දිවයිනටම රතු නිවේදනයක් නිකුත්කරමින් සියලුම ජනතාවට විම්සිලිමත්වන ලෙස දැනුම්දෙයි.

මේවන විට ගාල්ල ,හබරාදුව ප්‍රදේශවලට දැඩි සුළං තත්වයක් පවතින අතර ගාලු දිස්ත්‍රික්කයේ බොහෝ ස්ථානවල විදුලිය බිඳ වැටී ඇත.

පවතින අධික වර්ෂාවත් සමග දැඩි සුළං තත්ත්වයක් හේතුවෙන් අද(29) සවස මාතර දිස්ත්‍රික්කයේ ප්‍රදේශ කිහිපයක නිවාසවලට හා වාහනවලට දැඩි අලාබ හානි සිදුව ඇත.

මාතර හා දික්වැල්ල ප්‍රදේශ හරහා දැඩි සුළං තත්ත්වයක් පැවැති අතර මේ හේතුවෙන් නිවාස කිහිපයකම වහලට හානිවී ඇති අතර වාහනවලට ද ගස් කඩා වැටීම නිසා අලාබ හානි සිදුව ඇතැයි වාර්තාවේ. විදුලි කණුද කඩා වැටීම නිසා ප්‍රදේශ කිහිපයකම විදුලිය ද විසන්ධි වී ඇත.

ධීවර ජනතාවට සහ නාවික ජනතාවට මුහුදු ගමන් වලදී විමසිලිවන්නැයි කාලගුණ විද්‍යා දෙපාර්තමේන්තුව අනතුරු හඟවන අතර මෙම තත්වය ඉදිරි පැය 24 දක්වා බලාපොරොත්තු විය හැකි බවද ආපදා කළමනාකරණ ඒකකයේ සහකාර අධ්‍යක්‍ෂක ප්‍රදීප් කොඩිප්පිලි මහතා පැවසීය.

ගල්ල දිස්ත්‍රික්කයේ මේවනවිට බොහෝ ස්ථානවල ගස් කඩාවැටීම් ද වාර්තාවේ.

සුළංවලින් බේරීම සඳහා නිවෙස්තුළට වී සිටීම වඩාත් සුදුසු බවත් හැකි එළි මහනේ ගමන්කිරීම හානිදායක බවත් ආපදා කළමනාකරණ මධ්‍යස්ථානය පවසයි. ජාතික ආපදා කළමනාකරණ මධ්‍යස්ථානයේ ප්‍රකාශකයකු කියා සිටියේ දැඩි සුළං පැවතිය ද එය සුළි සුළං තත්ත්වයක් නොවන බවයි.

Click to comment

Leave a Reply

Your email address will not be published. Required fields are marked *

The Latest

To Top